Samsung објави ново софтверско ажурирање за Galaxy S23, Galaxy S23+ и Galaxy S23 Ultra, и носи подобрувања на камерата и исправки за телефоните.
За почеток, алгоритмот за автоматско фокусирање е изменет за побрзо фотографирање, што значи дека кога корисникот ќе го притисне копчето за бленда во стандардната апликација за камера, камерата на телефонот создава фотографија дури и кога фокусот не е целосно поставен.
Оние кои сакаат апликацијата да креира фотографија откако ќе се постави соодветниот фокус, може да ја променат таа поставка со одење во менито Camera Assistant > Prioritize focus over speed.
Треба да се напомене дека споменатите промени во моментов се достапни за серијата Galaxy S23 во Јужна Кореја како дел од ажурирањето во март и останува да се види дали тие ќе пристигнат во други региони како дел од ажурирањето во април или дали Samsung ќе објави ново ажурирање со споменатите подобрувања и поправки.
Јужнокорејската компанија го донесе првото ажурирање на серијата Galaxy S23 на крајот на февруари, со безбедносни подобрувања на новите телефони.
