Германскиот клуб Шалке 04 денеска официјално го претстави македонскиот репрезентативец Дарко Чурлинов како повратник во тимот.
Чурлинов доаѓа во тимот од Гелзенкирхен како позајмен играч од премиерлигашот Барнли, каде ниту еднаш не доби шанса да заигра вои Премиер лигата откако претходно неколку месеци отсуствуваше поради болест. Позјамицата е до јуни, но со опција Шалке 04 да го откупи неговиот договор.
„Задоволен сум што се враќам во Шалке, секогаш останав во контакт со клубот и навивачите. Сега сакам да му оддолжам на клубот за неговата доверба - о можност со голови, асистенции и, пред сè, со победи“, беа првите зборови на Чурлинов по враќањето во Шалке 04.
Од неговото доаѓање задоволен е и спортскиот директор на клубот, поранешниот белгиски репрезентативец Марк Вилмотс, кој изјави:
„Чурлинов е калибар на играч каков што сакавме да ангажираме во зимскиот трансфер период. Никогаш досега не сум видел играч толку мотивиран и подготвен за предизвик како што е тој сега“.
23-годишниот Чурлинов играше за Шалке 04 во сезоната 2021/2022, и тогаш како позајмен играч, но од Штутгарт. Тогаш во 2. Бундеслига одигра 22 натпревара и постигна 2 гола, а имаше и 1 настап во ДФБ купот.
Шанса за прв настап ќе има в петок кога Шалке 04 гостува кај заспаниот џин Кајзерслаутерн. На Шалке 04 сезонава не му оди добро во втрората лига каде по 18 кола е на разочарувачкото 14-то место со само 20 бода и никакви шанси за враќање во германската елита, напротив, го чека грчевите борба за опстанок.
