Директорот на СЗО Тедрос Аданом Гебрејесус денеска изјави дека постои јасен проблем кај посиромашните земји кои не добиваат вакцини против COVID-19.
„Богатите земји го разграбаа поголемиот дел од испораките на вакцини“, рече Тедрос во Женева.
Тој ги повика земјите и производителите да престанат да склучуваат билатерални договори на сметка на проектот Ковакс, пренесува BBC.
Проектот има за цел да осигура дека луѓето ширум светот ќе добијат пристап до вакцините веднаш штом ќе станат достапни, без оглед на богатството.
