Насмевката игра голема улога во нашите животи. Освен што е првото нешто што се забележува на нечие лице, смеењето го подобрува расположението и го намалува стресот.
Сепак, лошите заби први ќе ја расипат насмевката, а покрај на естетиката, може негативно да влијаат и на здравјето.
Луѓето кои имаат проблеми со забите не сакаат да ги откриваат со широка насмевка, а тоа често предизвикува фрустрации и вознемиреност.
Добрата вест е дека можете многу да направите сами, а здравствените експерти откриваат трикови за поздрави и поубави заби!
Здравствените експерти објаснуваат дека здравите заби се важни не само за убава насмевка, туку и за здравјето и изгледот воопшто.
Имено, забите му даваат облик на лицето. Предните заби се одговорни за тоа што нашите усни се испакнати затоа што без нив би се вовлекувале во лицето. Задните заби загризуваат, но го обликуваат и лицето и спречуваат вилицата да „клапне“. Тие истакнуваат дека губењето на забите прави да изгледате околу десет години постари.
Покрај тоа, невниманието доведува до кариес и расипување на забите, дури и губење заби, болести на непцата и лош здив.
Бели заби
Белењето на забите е еден од најлесните начини да го подобрите вашиот изглед со минимален напор. Сепак, превенцијата е најдобра, посочуваат стоматолозите.
Тие советуваат да се избегнува храна која остава дамки како кафе, чај и црвено вино. Користете паста за заби дома, а за професионална нега посетете стоматолог.
Најважна е хигиената
Мијте ги забите најмалку две минути двапати на ден, а пред спиење исчистете ги со конец, советува експерт. Плакнењето на устата со течност за орална хигиенае исто толку добро, но првите две опции се поважни. Стоматолозите истакнуваат да користите паста со флуор затоа што е поефикасна.
Забен конец секој ден и електрична четка за заби
Експертите дури советуваат да ја замените обичната четка за заби со електрична бидејќи подобро и поквалитетно ќе ги отстрани наслагите и бактериите.
Исправете ги забите
За жал, нема брз лек, а има и такви кои можете да ги пробате дома за да ги исправите забите. Контактирајте со вашиот ортодонт за ова бидејќи искривените заби почесто се расипуваат и создаваат повеќе проблеми.
Редовно одете на стоматолог
Редовното одење на стоматолог ќе спречи влошување на некои системски орални заболувања. Стоматологот ќе забележи некои знаци на болеста кои може да ги пропуштите, а некои знаци може да спречат формирање на орални тумори.
Избегнувајте лоши навики
Луѓето ги оштетуваат забите на многу начини, но важно е да се следи само еден принцип. Рецептот за расипување на забите се ниските pH вредности, а храната што доведува до таква киселост во устата се шеќерите, киселата храна и алкохолот. Тие најмногу го поддржуваат развојот на бактерии во устата кои ја уништуваат глеѓта, предизвикуваат болести на непцата и темни заби. Шеќерите вклучуваат и чипс и други грицки, слатки, разни пијалоци, десерти и гумени бонбони.
