Ноќта од вторникот кон средата на НБА паркетот се одиграа шест натпревари, а Стеф Кари приреди вистински спектакл во победата на неговите Голден Стејт Вориорс над Орландо Меџик со 121:115.
Стеф Кари блесна и по којзнае кој пат во кариерата погоди „невозможни“ удари за три поени. Кари постигна 36 поени и додаде 6 асистенции и 2 скока.
Хит погодокот, кој од утринава се споделува на социјалните мрежи, е тројка под фаул на 3 секунди пред крајот на втората четвртина. Кари погоди тројка при контакт од речиси невозможна позиција под фаул за пресврт на Голден Стејт.
Во продолжението неговиот тим рутински си ја заврши работата и славеше важна победа против Меџик.
Најголема сензација предизвикаа Шарлот Хорнетс кои го совлада Сакраменто Кингс со 111:104 во натпревар во кој ретко кој им даваше шанса.
Изненадување предизвика и Оклахома Сити Тандер совладувајќи го Бостон Селтикс на свој паркет, а лесни победи забележаа Њу Орлеанс Пеликанс и Филаделфија 76ерс. Во продолжение погледнете ги сите резултати од претстојната ноќ.
Резултати:
Филаделфија 76ерс - Чикаго Булс 110:97
Мемфис Гризлис - Сан Антонио Спарс 106:98
Њу Орлеанс Пеликанс - Бруклин Нетс 112:85
Оклахома Сити Тандер - Бостон Селтикс 127:123
Голден Стејт Вориорс - Орландо Меџик 121:115
Сакраменто Кингс - Шарлот Хорнетс 104:111
Табела:
