Една од најемотивните сцени од синоќешното збогување на Роџер Федерер од тенисот беше кога на терен му се придружија сопругата Мирка и нивните четири деца.
Сите се прегрнуваа и плачеа, а Федерер се обиде да ги утеши децата.
„Немојте да плачете. Јас сум многу среќен, не сум тажен“, им кажа тенисерот додека по лицето му течеа солзи.
Со децата разговараше на англиски јазик.
На интернет кружат емотивни фотографии и снимки од последниот меч на Роџер Федерер. Швајцарскиот тенисер се расплака по мечот, а ниту неговиот најголем ривал Рафаел Надал не можеше да ги сокрие солзите додека се прикажуваше филмот за кариерата на тенисерот.
Двајцата тенисери плачеа додека ги гледаа најдобрите моменти од кариерата на Федерер и се држеа за раце во знак на поддршка.
