Што мислите, треперење на окото е добар или лош знак?
„Играњето“ на окото може да биде многу непријатно. Според лекарите најчесто е симптом на замор, а може да биде и многу непријатно.
Научно гледано, тоа е всушност миокимија (myokymia). Миокимијата е присилно, спонтано тресење на неколку снопови мускулни влакна во мускулот, што е недоволно за да предизвика контракција на целиот мускул. Обично може да се види на кожата на долниот очен капак.
Сепак, иако медицината кажува едно, народот има свои верувања со кои се објаснуваат причините за трепкањето на левото или десното око.
Во Кина, играњето на левото око се смета за знак на среќа, додека играњето со десното око се верува дека носи лош знак.
На Хаваите има тотално поинакво значење, така што играњето на левото око значи дека во семејството ќе дојде непозната личност, но доколку игра без престан, тоа значи дека може да дојде до раздор внатре во семејството.
Индијците играњето со левото око го сметаат за знак на лоша среќа, додека треперењето на десното око претставува среќа, сосема спротивно од Кина.
Некои тврдат дека играњето на десното око значи остварување на сите желби што сте ги замислиле, додека на левото е лош знак.
Постои и верување дека ако на жена ѝ игра левото око, тоа значи дека ќе има средба со маж кој долго време го немала видено, па се претпоставува дека тоа е добар знак бидејќи жените за време на војната се плашеле дали нивните сопрузите ќе се вратат живи.
Друго значење е дека ако ви игра горниот дел од десниот очен капак, тоа претставува радост во семејството, а долниот дел создава ново пријателство.