Метеорот, кој предизвика силна експлозија над предградие на Питсбург на Нова година, експлодирал во атмосферата со енергија еквивалентна на количина од 30 тони ТНТ, потврдија американските власти.
Сајтот Meteor Watch на НАСА објави дека разумната претпоставка за брзината на метеорот била околу 72.420 километри на час со процена дека метеорот бил тежок околу половина тон.
Во текстот на НАСА се наведува дека метеорот би бил лесно видлив да не било времето облачно и тмурно, како и дека емитувал 100 пати поголема светлина од сјајот на полна месечина.
Жителите на Саут Хилс и другите области пријавиле дека слушнале силен звук и почувствувале тресење во домовите, додека потврдено е дека немало сеизмички активности, ниту грмотевици.