Годинашната велосипедска трка Тур де Франс влегува од еден скандал во друг и медиумите почнуваат да ја нарекуваат Тур де фарс.
Носителот на жолтата маица Герајнт Томас од тимот Скај беше исвиркан од публиката долж 13-тата етапа, четирикратниот шамион Крис Фром беше плукан и влечен за време на возењето, тркачите настрадаа од солзавец за време на протести на стазата, а сега Фром заврши и на земја, соборен од полицаец по грешка.
Француски полицаец задолжен за обезбедување на патеката не го препозна 33-годишниот шампион на Тим Скај кој носеше сива јакна врз белиот дрес, па го зграби за рака и го собори од велосипедот мислејќи дека е фан кој сака да прави проблеми на патеката.
Фром, кој возеше во придружба на неговиот телохранител, стана нервозен и му се развика на полицаецот со „Е*и се!“, но тој остана на своето – дека само сакал да ја обезбеди трката во 17-тата фаза од возењето.
Тим Скај признаа дека се работи за ненамерна грешка, но обожавателите не беа толку полни со разбирање и се жалаат дека Фром е постојано мета на напади и „недоразбирања“.