Аргентинецот со постигнатите поени против Нигерија се проби на второто место на вечната листа на најдобри стрелци на мундијалите оставајќи го зад себе легендарниот Ендрју Гејз.
Луис Скол гази и на 39 години. Со 23 поени беше најефикасен на натпреварот кој Аргентина го доби со 94:81 против африканскиот вицешампион. Токму за време на натпреварот Скола го направи она што се очекуваше од него на Мундобаскетот, да се пробие на второто место на листата на стрелците на сите времиња.
Против Нигеријците Скола дојде до бројката од вкупно 611 поени постигнати на сите мундијали на кои настапувал со што го помина Австралиецот Ендрју Гејз кој има 594.
„Беше фантастичен играч многу, многу години. Ова е тажен ден за мене, но одличен за тебе. Иначе, тебе ти требаа пет мундијали, мене само четири“, прокоментира на шега Гејз.
„Тој не го знае ова, но во 1990 кога играше во Аргентина јас бев на трибини и го гледав. Јас сум негов голем фан, мислам дека е еден од најдобрите во историјата. Возбуден сум, за мене е нешто навистина големо, да биде моето име таму меѓу тие легенди“, изјави Скола.
Прв на вечната листа е недостижниот Бразилец Оскар Шмит со дури 906 поени, но Скола има уште натпревари за играње во Кина...