Иако сѐ уште е рано за детали, се шпекулира дека новиот модел на уредот на Apple би можелo да има always-on дисплеј, односно екранот да му биде постојано активен.
Наводно, ефикасниот LPTO екран од 120Hz ќе имитира заклучен екран на кој ќе има некакви информации, како што имаме можност да видиме на телефоните со Android. Постојано видливи би биле само известувањето колку е полна батеријата и иконата што покажува точно време, а известувањата само во моментите кога ќе се појават.
Добро познатите јутјубери веќе се натпреваруваат кој ќе открие повеќе детали. Веќе се зборува за подобрување на ултрашироката камера, со подобрени перформанси во области со слаба осветленост.
Потоа се споменуваат посилни MagSafe магнети, така што паричникот нема да се лизга кога ќе го извадите од џеб, а се спомнува и намалувањето на таканаречениот „заб“ на горниот дел од екранот, за кој сега се очекува да биде помал. Face ID и предната камера ќе бидат вградени баш во него, според PCPress.
Уште едно достигнување на Android би можело да си го најде патот до iPhone13 – местото за отпечаток од прст што овојпат би можело да се најде под екранот.
Во претходните генерации, Apple упорно избегнуваше воведување на овој сигурносен систем за биометриска заштита, упорно потпирајќи се на несигурниот систем за препознавање лице, што комплетно потфрли за време на пандемијата.
