Ви истекло кафе или масло на ринглата и не сте ја исчистиле веднаш? Не мора одма да се фаќате за глава. Доволно е да направите домашна паста за чистење која за минута ќе ги отстрани и најтврдокорните дамки.
Потребни состојки:
- 1 кесичка прашок за печиво
- сок од половина лимон
Сѐ што е потребно е овие состојки да ги измешате и ќе добиете паста, која треба да ја нанесете на загреана рингла. Добро истријте со мека четка.
Доколку остане некоја крајно тврдокорна дамка, можете да се обидете да ја отстраните со жица за садови, но внимавајте ринглата и шторетот да не ги изгребете. Наквасете сунѓер со топла вода, па и со него тријте ја површината на ринглата. На крајот соберете го вишокот течност и пребришете ја ринглата со сува крпа.
Дополнителен трик за вашата рингла на крајот да заблиска како нова е да на ладна рингла нанесете малку масло кое рамномерно ќе го триете со парче алуминиумска фолија.
Со ваков начин на чистење и полирање ринглата ќе блеска, дури и на доста стар електричен шпорет.
