Манчестер Јунајтед го победи Вест Хем со 1:0 во последниот натпревар од 28. коло на англискиот фудбалски шампионат.
Играчите предводени од Оле Гунар Солскјер имаа 15 удари кон противничкиот гол и четири во шеснаесетникот, а славеа со автогол што го постигна Крег Досон во 53-та минута, кој ја погоди мрежата со глава по ударот од аголот на Јунајтед.
На спротивната страна од теренот, Вест Хем не упати ниту еден удар кон мрежата на Јунајтед.
За менаџерот на Вест Хем, Дејвид Мојс, ова беше 14-ти натпревар на гости на „Олд Трафорд“. Тој сè уште ја чека својата прва победа, а сега е во однос на четири нерешени средби и 10 порази.
Со победата, Манчестер Јунајтед се врати на второто место на табелата, кое на кратко му го препушти на Лестер Сити. Со натпревар помалку од водечкиот Манчестер Сити, тој заостанува 14 поени.
Натпреварот на „Олд Трафорд“ ќе остане запаметен по еден интересен факт, а за тоа е одговорен тренерот Солскјер.
За првпат по девет години, односно од февруари 2012 година и натпреварот против Ливерпул, Манчестер Јунајтед одигра лигашки натпревар во кој неговиот тренер не направи ниту една замена.
Истите тие 11 кои „тргнаа во поход“ против Вест Хем го напуштија теренот на крајот од натпреварот.
