Времето во Македонија денеска ќе биде сончево со умерена облачност, а ќе дува слаб до умерен северен ветер, соопштија од УХМР.
Минималната температура ќе се движи од 2 до 10 степени Целзиусови, а максималната од 14 до 25 степени.
Во Скопје времето ќе биде сончево со умерена облачност и со слаб северен ветер, со температури од 8 до 23 степени.
Продолжува периодот на сончево време со мала до умерена облачност и со свежи, на места и студени утра. Дневната температура ќе биде без значителни промени. Од утре облачноста сосема ќе се намали и од среда до крајот на работната недела ќе биде претежно сончево и малку потопло.
