Вселенското летало Juno, сонда на американската вселенска агенција НАСА, се приближи многу до месечината на Јупитер, Ија и ги направи најдобрите фотографии од овој вулкански свет досега.
Juno ја фотографирал месечината на 16 октомври на оддалеченост од 11.645 километри, а станува збор за месечината на Јупитер, Ија, која е малку поголема од нашата Месечина. Таа е „исполнета“ со повеќе од 400 активни вулкани, а сенките на овие врвови, од кои некои се повисоки од Монт Еверест, се видливи на најновата фотографија.
Во наредните месеци, Juno се очекува да направи нови и подобри фотографии од месечината Ија направени од уште поблиску, бидејќи сондата се приближува и се поблиску до неа поради нејзината сегашна орбита. Во февруари 2024 година, сондата се очекува да биде на 1.500 километри од површината на месечината Ија.
Juno беше лансирана во 2011 година, влезе во орбитата на Јупитер во 2016 година и оттогаш ја истражува планетата и нејзините месечини. Јупитер има 95 познати за нас месечини, а меѓу нив се и четирите најголеми, Ија, Европа, Ганимед и Калисто, познати како Галилејски месечини.
Минатата година леталото прелета покрај Европа на растојание од 352 метри и испрати некои од најдобрите фотографии во повеќе од две децении. Слична посета на месечината Ганимед беше направена во 2021 година, а оваа месечина е поголема од планетата Меркур.