Реал Мадрид наскоро ќе влезе во ерата на новите „Галактикос“, пишува шпански Sport.
Претседателот Флорентино Перес ќе го гради тимот околу двете најголеми млади фудбалски ѕвезди, Килјан Мбапе и Ерлинг Браут Холанд.
За Реал да ги добие потребните средства за два мегатрансфери, потребно е да се ослободи од дури пет играчи. Иско, Марселу и Гарет Бејл одамна немаат сериозна улога, а имаат астрономска плата. За среќа на Мадрид, нивниот договор истекува налето и наводно клубот нема да им понуди нов. Со нивното заминување на големо треба да се отвори буџетот за нови плати.
Покрај тоа, Реал ќе се обиде да се ослободи од двајца играчи кои се покажаа како големо промашување. Прв е српскиот напаѓач Лука Јовиќ, кого Реал го доведе за 60 милиони евра, а сега се надева дека ќе добие барем половина. Другиот е Еден Азар. Реал на белгискиот напаѓач му плати дури 115 милиони евра, а сега е подготвен да го продаде за 50 милиони евра.
Сето ова може да му донесе на Реал околу 130 милиони евра, што би било огромен капитал во ловот на францускиот и норвешкиот напаѓач. Флорентино Перес, пишува Sport, прави сѐ за да ги доведе и двајцата во клубот налето.