Градоначалникот на Општина Карпош, Стевчо Јакимовски денеска соопшти дека ја прекинува коалицијата со ВМРО-ДПМНЕ.
„Јас како градоначалник со моите години и со моето искуство и со мојот карактер не можам да дозволам повеќе некој да си поигрува со мене и со Советот на Општина Карпош, но и со интересите на граѓаните на Општина Карпош. Затоа, јас и Карпош мораме да им се спротиставиме на опструкциите, мораме да им се спротиставиме на командите од еден центар”, соопшти Јакимовски на денешната прес конференција.
Јакимовски изјави дека во иднина ги прекинува сите разговори со Мицкоски затоа што, според него тој е единствениот виновник што се растура коалицијата.
