Нов вид на полимер стакло кое може да се поправи самото беше измислено од страна на студент на Универзитетот во Токио, кој вели дека до ова откритие стигнал сосем случајно.
Стаклото направено од лесен полимер, наречен „полиетер-тиуреас“ може да се поправи од скршеници со притискање со раката, без потреба од загревање на високи температури.
Истражувањето, кое беше објавено во Science, а кое беше предводено од професорот Такузо Аида од Универзитетот во Токио, ветува дека „самозаздравувачкото“ стакло би можело да се употреби во производството на телефонски екрани и други кршливи направи, кое тие велат дека е голем предизвик за модерното општество.
Самозаздравувачката гума и пластика се веќе реалност, но научниците велат дека ова е многу поголемо откритие бидејќи ова е првиот тврд материјал кој може да се поправи самиот на собна температура.
Карактеристиките на полиетер-тиуреас материјалот биле пронајдени случајно, од страна на студентот Ју Јанагисава, кој го спремал материјалот како лепак. Тој забележал дека краевите на полиетер-тиуреасот самите се формирале во една целина ако се држат споени триесетина секунди на температура од 21 Целзиусов степен.
Понатамошното истражување покажало дека материјалот се враќа во оригиналната цврстина за само неколку часа и може повторно да се употребува како претходно.
„Се надевам дека ова самозаздравувачко стакло ќе стане новиот еко-френдли материјал кој не мора да се фрла во ѓубре ако се скрши“, изјави Ју Јанагисава.
Производителите на смартфони веќе почнаа да користат некои самозаздравувачки материјали. LG G Flex од 2015 година имаше маска која со тек на време самата заздравуваше од гребаници, но беше неефективна кога се работи за поголема штета.
