Четвртата доза вакцина против коронавирус го зголемува нивото на антитела пет пати по само една недела од вакцинацијата, изјави израелскиот премиер Нафтали Бенет, повикувајќи се на првични резултати од израелска студија.
„Една недела по четвртата доза знаеме дека е зголемен степенот на сигурност дека четвртата доза вакцина е безбедна“, изјави Бенет во Медицинскиот центар Шиба. „Втората вест е што знаеме дека по една недела од четвртата примена доза гледаме петкратно зголемување на бројот на антитела кај вакцинираните. Ова е значително зголемување во однос на инфекцијата и хоспитализацијата, како и тешките симптоми“, објасни тој.
Сега четврта доза на Pfizer вакцината се дава на луѓе постари од 60 години, на здравствените работници и на имунокомпромитираните пациенти, пренесе Reuters.