Уругвајскиот напаѓач верува дека уште долго може да игра на високо ниво и најави дека сам ќе одлучи кога ќе се повлече.
Луис Суарес минатиот месец го прослави својот 34 роденден. Од летоска игра за мадридски Атлетико каде дојде откако беше набркан од Барселона.
„Уживам во моментумот во кој се наоѓам денес, во фудбалската елита. Да се биде во Атлетико, значи да се биде дел од фудбалската елита. Некои луѓе не веруваа дека сѐ уште можам да играм на ова ниво. Го имам истиот ентузијазам“, рече тој говорејчи за ESPN.
Одлично се пронајде во Мадрид каде на 18 натпревари во ла Лига постигна 16 голови и е води на листата на стрелци. Згора на тоа, го претводи Атлетико кон титулата. Покажа дека Барса направи огромна грешка што го пушти, но и дека возраста засега него ништо не му може.
„Се надевам дека оваа година, наредната и којзнае уште колку години, ќе продолжам да се натпреварувам и да го давам најдоброто од себе, сѐ до моментот кога ќе сфатам дека сум дошол до мојот максимум“, додаде Суарес.
Неговата форма и физичка подготвеност покажуваат дека Суарес има уште сезони пред него, иако е веќе ветеран. Колку ќе може да игра во елитата, тоа останува да видиме. како и да е, вели дека сам ќе оцени кога ќе треба да престане.
„Никој нема да може да се ослободи од мене. Сам ќе одлучам кога ќе се пензионирам“.
