Трошоците за организацијата на претстојниот Мундијал во Катар ќе бидат највисоки во историјата.
Како што пресметаа новинарите на финансискиот магазин CNBC, организаторите потрошиле 220 милиони долари за изградба на стадионот и инфраструктурата во Катар.
За споредба, организацијата на последното Светско првенство во Русија пред четири години чинеше околу 20 пати помалку. Светското првенство во Бразил во 2014 година е на второто место по трошоци.
Катар има нешто помалку од три милиони жители, а целото Светско првенство ќе се одржи во главниот град Доха и неговата околина. Секако, огромните трошоци на организацијата треба да се препишат на тоа што Катар нема апсолутно никаква фудбалска традиција.
Поразително е и тоа што, според бројни странски медиуми, и покрај огромните трошоци на организацијата, не можеле да се обезбедат основни услови за работа на бројните странци кои дошле во Катар да ги градат стадионите.
Според истрагата на The Guardian, повеќе од шест илјади работници загинале при градежните работи.
Светското првенство започнува на 20 ноември и ќе трае до 18 декември.