Серијата паметни часовници TAG Heuer Connected Calibre E4 беше претставена минатата година, а компанијата на ова семејство сега му додаде уште три членови.
Како што се можеше да се очекува, часовниците се скапи, а 44 мм опцијата е најповолна со цена од 2.350 долари. Оваа верзија е помала од првичната и има 1,28-инчен екран со панел без рабови, кој е заштитен со сафирна стаклена купола. Меѓутоа, и понатаму тука е OLED екранот со резолуција од 416 x 416 пиксели.
Куќиштето е изработено од титаниум, со црна боја, и всушност станува збор за најлесниот часовник на швајцарската компанијата TAG Heuer.
Моделот Golf Edition (42 мм) има исто куќиште, но е поскап, со цена од 2.500 долари. Доаѓа со три брендирани топчиња за голф и два пара каивчиња. Едното е направено од црна кожа со зелен конец, додека другото е всушност бело гумено каивче.
Часовникот „поддржува“ 40.000 терени за голф ширум светот така што овозможуива автоматско пратење без рачно внесување. Часовникот има опција за пратење резултат, избирање на палка, како и барање локација на голф терени.
Calibre E4 Sport Edition е најскапиот од новите три и за него треба да издвоите 2.600 долари, но е и најголем. Неговата големина изнесува 45 мм, има керамички рабови околу 1,39-инчниот OLED екран со резолуција од 454 x 454 пиксели, како и гумено каивче со дупчиња - погодно за спортисти.
Што се однесува на софтверот, Sport Edition има функција Trail & Hiking, која користи барометар и ги проценува перформансите на корисникот.
Продажбата ќе почне овој месец со ветување дека ќе има надградба на Wear OS 3 кога истиот ќе биде достапен.