Предводникот на Манчестер Јунајтед, Ерик тен Хаг, им откри на медиумите што им кажал на своите играчи пред големиот пресврт против Астон Вила на синоќешниот Боксинг деј.
Јунајтед на Тен Хаг е под голем притисок и во серија на лоши резултати, но сето тоа може да се промени по победата над Астон Вила на Боксинг деј.
Освен победата против големиот ривал за самиот врв на табелата и евентуалниот пласман во Лигата на шампионите, најимпресивен е начинот на кој Јунајтед стигна до неа. Вива синоќа водеше со 2:0 на „Олд Трафорд“, но на крајот со празни раце си змаина на пат назад до Бирмингем.
Чудесниот пресврт се случи во вториот дел, а на гледачите им се чинеше како две сосема различни екипи да излегле на теренот на „Олд Трафорд“ во вторите 45 минути. Затоа, англиските медиуми ги интересираше што им кажал Тен Хаг на своите играчи на полувремето, што го предизвика пресвртот на сезоната.
„Игравме добро во првото полувреме и примивме два гола од ситуации кога го загубивме фокусот. На полувремето им реков на моите играчи: 'Продолжете да верувате и да го правите она што го правевте. Всушност, работете уште понапорно во второто. Направете поголем притисок. Видовте што се случи кога извршивме поголем притисок'“, откри по натпреварот холандскиот стручњак за Amazon Prime.
Тен Хаг истакна дека тимот е конкурентен со Арсенал и Ливерпул оваа сезона и може да ги победи и да заврши пред нив. Од Арсенал на почеток на сезонава загуби со 3:1 на гости, додека неодамна против Ливерпул одигра 0:0 дома.
„Верувајте дека дури и кога губите со два гола разлика, не е важно. Важно е да продолжите да покажувате карактер, а моите играчи покажаа дека го имаат тоа. Тоа беше вистинска тимска победа“, додаде Холанѓанецот.
Манчестер Јунајтед со оваа победа се врати во Топ 6 во Премиер лигата, но и понатаму има 5 бода зад последното место кое води во Лигата на шампионите. Исто така, „Црвените ѓаволи“ одиграа натпревар, односно два, повеќе од Тотенхем и Манчестер Сити.
