Веста дека Том Круз и Шакира присуствувале на трката во Формула 1 ги започна гласините за нивната љубовна врска. Сега е познато дека тој веќе некое време се обидува да го освои нејзиното срце, но таа не е заинтересирана.
„Шакира одлично се забавуваше со него на Формула 1, но нема намера да биде во врска со него. Тој беше навистина фин и таа уживаше во неговото друштво. Сепак, таа во моментов не бара нова љубов. Фокусирана е на своите деца и кариерата. Ги виде озборувањата на социјалните мрежи дека се заедно и добро се насмеа“, изјави извор за списанието Page Six.
Обожавателите на Шакира рекоа дека се загрижени поради нејзината врска со Том бидејќи веруваат дека тој би можел да ја убеди да стане член на Саентолошката црква.
Овој актер се забавуваше со Софија Вергара и Пенелопе Крус по неговиот развод со Кејти Холмс. По разводот со Жерард Пике, Шакира беше поврзана со својот инструктор по сурфање, а таа набрзо ги демантираше овие информации.
„Од почит кон моите деца и тешкиот период низ кој минуваат, барам од медиумите да престанат да објавуваат шпекулации. Немам партнер и сакам целосно да им се посветам на моите деца и нивната благосостојба“, наведе таа во соопштение.
