Toyota за европскиот пазар претстави полесна верзија на моделот Supra, која доаѓа со рачен менувач.
Лесната Supra тежи речиси 40 килограми помалку, а доби и лесни тркала од 19 инчи. Благодарение на мануелниот 6-брзински менувач, Supra изгуби 21,8 килограми, а новите бандажи се полесни за 1,2 kg од стандардните. Благодарение на овие промени е подобрено управувањето и подобрен е квалитетот на возењето.
Внатрешноста е обложена со кожа, а автомобилите добија поинаков звучен систем. Исто така, отстранета е можноста за електронско прилагодување на лумбалната потпора. Севкупно, Supra е полесна за 38,3 килограми во споредба со 6-цилиндричниот модел кој има автоматски менувач.
Европскиот оддел на Toyota е убеден дека Lightweight ќе биде најпопуларниот модел на Supra.
Toyota се одлучи за верзија со рачен менувач за да одговори на големата побарувачка и очекувањата на клиентите. Компанијата го користи и хаштагот „savethemanual, што има смисла бидејќи GR Yaris, GR Corolla и GR86 имаат рачни менувачи.
Ентузијастите се надеваат дека Supra Lightweight е чекор понапред од моделот GRMN за кој долго се зборуваше.
GR Supra со мануелен менувач ќе се појави во продажба нешто подоцна годинава. Новата верзија прво ќе ја добијат Јапонците, а испораките се очекуваат наесен.
