Чек дис аут

Трамп со потсмев за оскаровецот „Parasite“ и со критики за Бред Пит

21. февруари 2020 - 8:13 | МИА/КАЈГАНА

Претседателот на САД, Доналд Трамп, се потсмеваше на оскаровецот „Parasite“ при што на митинг во Колорадо вчера нагласи дека би сакал да се вратат класичните остварувања како што е „Gone with the wind“.

Трамп го имитираше водител на церемонијата на наградите Оскар и праша – што по ѓаволите е сето ова?!

– Имаме доволно проблеми со Јужна Кореја, со трговијата. И на крајот на краиштата, тие им даваат награда за најдобар филм, коментираше тој.

Американскиот претседател исто така зборуваше негативно за Бред Пит, кој беше почестен со Оскар за најдобра споредна улога.

При добивањето на својата награда, Бред Пит рече дека има повеќе време да се искаже – 45 секунди, отколку што имаше поранешниот советник за национална безбедност на Трамп, Џон Болтон, за време на процесот за импичмент во Сенатот. 

Коментирај