Сигурно ви е мачно да вдишувате силни хемикалии во бањата кои испаруваат и ве задушуваат. Треба да ги поддржиме производите за чистење кои се добри за нас и за планетата. Но, не мора секогаш да се трошиме за вакви работи.
Некои трикови се многу едноставни и често ни требаат по една или две состојки од нашата кујна. Овој пат тоа е само едно овошје.
Вашата бања ќе мириса фантастично, а нема да биде токсично ниту за вас, ниту ако имате деца.
Одлична вест е тоа што овој мирис ќе трае повеќе од една недела.
Сѐ што ви треба е една лимета и хируршка маска. Трикот е објавен на Facebook профилот Bezerra good Tips.
Исечете ја лиметата на парчиња и ставете ги во маската, а потоа завиткајте ја како кесичка. Следете ги инструкциите во видеото како да ја пресечете маската. Заврзете ја маската со ластикот што сте го пресекле и на тој начин направете освежувач што ќе го ставите во резервоарот за вода над веце школката.
Не користете лимон, туку исклучиво лимета бидејќи ова овошје, познато и како зелен лимон, е одлично за убивање бактерии и чистење секакви нечистотии. А, и преубаво мириса.
