Мажот кој пред десетина дена му испрати писмо со закани на републичкиот јавен обвинител Љубомир Јовески е уапсен.
Испраќачот на писмото до Јовески кое било нашишано на македонски и англиски јазик се претставил како терористичка организација која има поддршка насекаде низ државата и која ќе се бори до последна капка крв новинарите кои го претставуваат гласот на народот, барајќи ослободување од гонење на двајца новинари од ТВ Алфа, Горан Момировски и Драган Молосављевиќ.
„Само го чекаме тој точен момент за да ви го одземеме животот. Постапете веднаш ако вашата желба е да останете живи”, e дел од заканата во испратеното писмо до Јовески.
Постапката која се водеше за двајцата новинари е запрена во декември, бидејќи било утврдено дека нема место за гонење од страна на Јавен обвинител.
Во моментов, нема информации за идентитетот на уапсениот.