Откако успешно беше спроведена во неколку од најдобрите лиги во светот, ВАР технологијата пристигнува и во Премиер лигата. Ова беше одлучено денеска на состанокот помеѓу претставници на клубовите од најсилната англиска дивизија.
Денеска на состанокот на претставници на клубовите од Премиер лигата беше претставен резултатот од тест-периодот на ВАР системот и беше одлучено дека од наредната сезона оваа технологија ќе биде составен дел од лигашките натпревари на англиските клубови.
ВАР системот беше употребен летово на Светското првенство во Русија, а во оваа сезона истиот се употребува и во шпанската, германската и италијанската прва лига. Резултатите покажаа дека оваа технологија го намалува бројот на погрешно донесени одлуки и помага во задржување на фер натпреварувањето.
„До крајот на сезоната ќе продолжиме со тестирање на ВАР системот преку надгледување на неговото работење, за по крајот на сезоната да го имплементираме во нашата лига“, стои во официјалниот извештај од претставниците на клубовите од Премиер лигата.
Одлуката која ја донесоа претставниците на англиските клубови не е конечна, бидејќи таа пред да стапи на сила треба да добие одобрување од ФИФА и ИФАБ. Но, тоа се сепак само формалности и би требало да поминат во најдобар ред
