Светскиот првак во Формула 1, Холанѓанецот Макс Верстапен од Ред Бул, ја освои Големата награда на САД триумфирајќи на патеката во Остин.
Верстапен, кој и пред трката во Тексас ја обезбеди шампионската титула мина прв низ целта пред седумкратниот светски Луис Хамилтон во Мерцедес и Шарл Леклер од Ферари.
За Верстапен ова беше 13-та победа сезонава во 19-тата трка, а вкупно 33 во кариерата.
Верстапен одбраната на титулата ја обезбеди уште пред две недели во Јапонија, а во Остин тоа му успеа на Ред Бул, кој ја потврди титулата во конструктори, петта во историјата.
Триумфот на Ред Бул и победата на Верстапен дојдоа ден откако сопственикот на Ред Бул, Дитрих Матешиц, почина на 78-годишна возраст, по долго боледување.