Шпанскиот тренер Кике Сетјен е разрешен од функцијата шеф на стручниот штаб на Виљареал, официјално потврдија од клубот.
Виљареал имаше катастрофален почеток на сезоната, бидејќи клубот од „Естадио де Керамика“ забележа еден триумф и три порази во првите четири рунди.
Од клубот потврдија дека договорот со 64-годишниот е раскинат и дека спортскиот директор Мигел Анхел Тења ќе биде привремено решение до ангажирање на нов стратег.
Сетјен го презеде Виљареал во октомври, кога го замени Унаи Емери. Тој го предводеше тимот на 39 натпревари, со учинок од 18 триумфи, 15 порази и 6 натпревари кои завршија со поделба на бодовите.
Во текот на кариерата шпанскиот тренер ги водеше и Барселона, Бетис, Лас Палмас, Луго, Логроњес и репрезентацијата на Екваторијална Гвинеја.
Следниот натпревар на Виљареал е против Алмерија на 17 септември од 16:15 часот.