Најавен како најефикасен автомобил на Mercedes-Benz досега, концептот Vision EQXX повеќе не е изложбено возило.
Експерименталниот електричен автомобил е дизајниран за да ја процени идната технологија со иновативна батерија со водено ладење од 100 kWh, одлична аеродинамика и напредна технологија која ја подобрува нејзината ефикасност. Теоретски, овој автомобил може да помине 1.000 километри со рекордно ниска просечна потрошувачка од 8,7 kWh на 100 километри. Претходните проценки укажуваа на потрошувачка од 10 kWh на 100 километри.
Но, теориите остануваат само на хартија, па Mercedes реши да го тестира концептот во мисијата Mission EQQX. Концептот успешно го заврши бидејќи помина повеќе од 1.000 километри на јавни патишта со едно полнење на батеријата. Тоа е рутата помеѓу Electris Software Hub на Mercedes во Зинделфинген, Германија, до крајбрежниот град Касис во Франција. Патот се состоеше од значителни промени во конфигурацијата на почвата, возење по патишта со две ленти, како и возење по автопат. Тој пат беше отворен за јавен сообраќај, па Vision EQXX беше изложен на градежни зони, гужви и насобрани маси кои сакаа да го видат концептот одблизу и да го фотографираат.
ESH е еден од најновите достигнувања на Mercedes кое служи за истражување, развој и проценка на инфозабавните системи, електричниот погон, напредните системи за помош на возачот и услугите базирани на cloud. Фабриката вработува неколку стотици луѓе кои исто така работат со други оддели за развој на Mercedes од целиот свет. Исто така, ESH располага со технологија за различни симулации и динамичко тестирање.
За време на патувањето температурата варирала од 3 до 18 степени, а просечната брзина на концептот била 87 km/h.
Кога стигнал на својата дестинација по повеќе од 1.000 километри, батеријата му била со капацитет од 15%, што е доволно да помине уште околу 140 километри.
Мора да се има предвид и дека Vision EQXX не наишол на снег или многу ниски температури на патот, а тоа се услови кои значително ја трошат батеријата.
