Клаудија Шифер се врати на модната писта речиси 40 години по почетокот на нејзината кариера, а изгледаше исто толку неверојатно како и на врвот на славата.
53-годишната манекенка беше во центарот на вниманието на ревијата на Versace во петокот на модната недела во Милано.
„Денес за време на Миланската модна недела, Донатела Версаче ја претстави својата колекција за пролет 2024 година пред публиката преполна со ѕвезди“, се вели во објавата на магазинот Vogue на Instagram.
Подолу се додава: „Легендарниот супермодел Клаудија Шифер ja затвори ревијата дефилирајќи во светкаво зелен фустан“.
Сега ѕвездата докажа дека сè уште го има Икс-факторот бидејќи ја воодушеви публиката на ревијата на Versace.
Германката блескаше додека чекореше преку пистата во фустан со длабоко деколте.
Поминаа 36 години откако Клаудија беше забележана од моден агент во ноќен клуб како тинејџерка, по што стана една од најуспешните светски манекенки и го достигна врвот на кариерата во 90-тите.
