Кога ќе нѐ заболи глава, прво нешто што ни паѓа на памет, освен некое апче, е да се напиеме кафе. Но, дали знаете дека една состојка може да го засили дејството на кафето и инстантно да ви го реши проблемот со таа непријатна болка?
Доколку не сте љубител на лекови, тогаш доволно е во кафето да исцедите лимон и главоболката гарантирано ќе исчезне.
Сѐ што треба да направите е да сварите кафе на класичен начин, значи турско, и во него да исцедите сок од половина лимон. Испијте го ова необично кафе и по неколку минути ќе почувствувате олеснување. Нормално, во ова кафе немојте да додавате шеќер. Воедно, советуваме да пиете доста течности и да излезете на чист воздух.
Сличен рецепт може да ви помогне и при дијареја. Имено, помешајте три мали лажички кафе со две големи лажици лимон, добро измешајте и изедете ја смесата. Ова би требало да ја спречи дијарејата, но и да ги намали тегобите во стомакот.
