Трет ден од руската воена инвазија на Украина, а сè поинтензивни се борбите на улиците низ Киев. Борби се водат и на главната градска авенија, пренесе BBC.
Зад жителите на Украина е уште една тешка и бессона ноќ, а тоа најмногу се однесува на жителите на главниот град, каде се слушаат експлозии и пукање. Војската на Украина се обидува да го одбие рускиот напад.
Украинската војска соопшти дека борбата е жестока, дека Русија ќе се обиде да го покори Киев.
Според објава на Facebook страницата на украинската војска, повеќе од 3.500 руски војници кои учествувале во инвазијата се убиени, а скоро 200 се заробени.
Амбасадорот на Украина во Советот за безбедност на ОН, Алексеј Данилов, уверува дека ситуацијата во Киев е под контрола и дека војската спречува руските војници да заземат важни локации.
Администрацијата на американскиот претседател Џо Бајден побара од Конгресот да одобри помош на Украина од 6,4 милијарди долари. ОН очекуваат 5 милиони Украинци да се обидат да ја напуштат земјата, пренесе BBC.
