Жителите на островите Самоа и Кирибати во Тихиот Океан први во светот ја дочекаа 2023 година.
Централната церемонија во Самоа се одржа во главниот град, а граѓаните и туристите уживаа во прославата и огнометот.
И жителите на Кирибати, островска држава што се наоѓа во западниот дел на Тихиот Океан, ја дочекаа 2023 година.
Од 1994 година, Кирибати е меѓу првите кои ја дочекуваат новата година, откако претседателски кандидат вети дека ако победи на изборите, ќе се погрижи тие први да ја дочекаат Новата година.
Поради ова, по изборите, земјата беше поделена на три временски зони, а најисточниот дел од земјата слави прв во светот.
По нив во Новата година влегоа и жителите на Нов Зеланд. Прославата наскоро ќе започне и во Австралија.
Спектакуларни дочеци се организирани и во Токио, Дубаи, Пекинг, Њујорк, Берлин и другите поголеми градови во светот.
