Хематурија е присуство на крв (еритроцити) во урината. Во однос на бројот на еритроцити во урината има микро и макроеритроцитурија (макроскопска хематурија), пишува Stetoskop.info.
Причините за хематурија се многубројни, а може да се појави и кај:
- бубрежни заболувања:
- хематолошки (хемофилија, тромбоцитопенија, српеста анемија, таласемија);
- кардиоваскуларни (срцева декомпензација, тромбоемболија);
- гастроентеролошки (цироза на црниот дроб, холестатска колика, апендицитис, перитонитис);
- токсоалергиски реакции.
Хематуријата од бубрежно потекло е предизвикана од: вродени или стекнати аномалии на бубрезите, вродени или стекнати заболувања на крвните садови на бубрезите, калкулус на бубрезите и уринарниот тракт, примарен гломерулонефритис и секундарни гломерулопатии, воспаление на уринарниот тракт, неоплазми на бубрегот и уринарниот тракт.
Хематуријата може да биде макроскопска (видлива со голо око како кафеаво-црвена урина) или микроскопска (видлива со микроскопско испитување на урината). Макроскопската хематурија се карактеризира со кафеаво или црвено обојување на урината, што не може секогаш да биде знак на еритроцити во урината (може да се појави после одредени видови храна, на пример цвекло).
Хематуријата може да биде инцидентна (по траума, тешка физичка работа), интермитентна (во случај на калкулус, инфекција на уринарниот тракт) или трајна (кај паренхимните заболувања на бубрезите).
Дијагнозата се поставува врз основа на анамнеза, клиничка слика, лабораториски анализи, објективен преглед (палпација на бубрези, ректален преглед кај мажи, гинеколошки преглед кај жени), интравенска урографија, цистоскопија, ретроградна уретропиелографија, артериографија и бубрежна биопсија.
Како се лекува? Хематуријата се третира каузално, т.е. во однос на причината. Ако тоа не е можно, се применува симптоматска терапија.
Во случај на масивна хематурија изгубената крв се заменува со трансфузија, пишува Stetoskop.info.