Процесот на слабеење за многумина е долг и тежок процес, а доколку сакате да го забрзате, наутро треба да консумирате јајца.
Јадењето јајца може да промовира губење на тежината, особено ако ги вклучите во диета со контролиран внес на калории.
Храната што ја консумираме е исклучително важна за одржување на нашето здравје. Исто така, постојат студии кои докажуваат дека внесот на одредени намирници може да го стимулира губењето на вишокот килограми. Една од овие намирници е особено делотворна доколку се консумира наутро, а тоа се јајцата.
Истражувањата покажуваат дека јајцата ја стимулираат метаболичката активност и го зголемуваат чувството на ситост, а појадокот на база на јајца може да го спречи човекот да се прејадува во текот на денот, односно да внесува дополнителни калории.
Диететичарите нагласуваат дека јајцата содржат големи количини на протеини и имаат многу малку калории. Тие можат да промовираат губење на тежината ако се консумираат како дел од разновидна исхрана и се јадат без додадени масти или шеќер.
