Роман Абрамович мора да го продаде Челси откако му беа воведени санкции во Велика Британија, а сето тоа поради неговите „блиски врски“ со рускиот претседател Владимир Путин.
Не помогна ниту тоа што Абрамович учествуваше во мировните преговори, ниту тоа што Володимир Зеленски застана на негова страна, но сега е јасно дека Челси ќе ја промени сопственичката структура во наредните денови. Што се однесува до Абрамович, тоа нема да биде неговото последно „патување“ во фудбалските води, бидејќи веќе размислува да купи нов клуб.
Прво се пишуваше дека Абрамович ќе стане мнозински сопственик на ЦСКА од Москва, клуб кој пред неколку години се обиде да го купи син му, а сега од Турција пристигнуваат нови информации.
Локалниот весник Fanatik објави информација дека преговорите меѓу Абрамович и сопственикот на Гезтепе веќе се започнати, а во прилог на тоа го наведуваат и фактот што јахтата на рускиот олигарх пред три дена запловила во Турција. Иако му беше забранет влез во неколку земји, Турција се чини не беше случаен избор.
Гезтепе е интересен проект и наводно Абрамович веќе разговарал за тој клуб со сопственикот Мехмет Сепил. Моментално се во грчевита борба за опстанок, но Русинот би можел да промени сè.
Прволигаши се пет години и интересно е што во нивните редови настапува Франко ди Санто, поранешен играч на Челси.
