Челниците на Ал Итихад се подготвени да му платат на Ливерпул 150 милиони евра за египетскиот репрезентативец Мохамед Салах, пренесува CBS Sport.
Салах сака да ја продолжи кариерата во Саудиска Арабија, а челниците на Ливерпул постојано негираа дека планираат да го продадат египетскиот напаѓач.
CBS Sports тврди дека раководството на Ал Итихад како главна цел до крајот на преодниот рок, односно до 20 септември го поставила ангажманот на египетскиот репрезентативец.
Извори блиски до преговорите наведуваат дека Ал Итихад на Ливерпул би му платил загарантирана отштета од 100 милиони евра, а англискиот клуб преку бонуси би можел да добие уште 50 милиони евра.
Салах (31) пристигна во Ливерпул во 2017 година од Рома. За англискиот клуб одигра 307 натпревари и постигна 187 голови.
