Американската управа за натпреварувачко пливање ги смени правилата за трансродовите пливачки.
Тричлената медицинска комисија сега ќе одлучи дали „претходниот физички развој како маж“ им дал неправедна предност на трансродовите пливачки. Дополнително, ќе се врши тестирање на тестостеронот во период од 36 месеци пред натпреварот.
Одлуката е донесена откако трансродова пливачка од Универзитетот во Пенсилванија собори рекорди во женско пливање. Новите правила беа објавени вчера и стапуваат во сила веднаш.
USA Swimming соопшти дека ги признава разликите во машката и женската категорија, како и сите недостатоци во елитното директно натпреварување. Исто така, се наведува дека податоците покажуваат дека најдобро рангираната пливачка во 2021 година би била рангиран под 536. место во просек кога станува збор за резултати во машка конкуренција таа година.
Се наведува дека новите правила се засноваат на докажани научни и медицински методи, а се усвоени поради полемиката во чиј центар е трансродовата пливачка Лиа Томас, која се натпреваруваше во машка категорија три години пред почетокот на хормонската терапија во пролет 2019 година. Томас ги собори пливачките рекорди во женска категорија на универзитетот, а на релито во Охајо во декември се квалификуваше за шампионатот NCAA, завршувајќи 38 секунди пред второпласираната натпреварувачка.
Сепак, соиграчите ја поддржаа Томас во јавна непотпишана изјава, додека семејството на една пливачка рече дека таа „без разлика колку тренира, нема шанси да ја победи Томас“.
Исто така, минатата година родителите на пливачките испратија писмо во кое побараа NCAA да ги промени правилата за трансродовите пливачки.
