Секој ден можеби сме сè поблиску до дистописка иднина во која владите, корпорациите и шпиунските агенции ќе не набљудуваат и контролираат каде и да се наоѓаме, со помош на импланти кои еден ден сите ќе мораме да ги носиме од раѓањето до смртта.
Американската компанија Three Square Market од Висконсин одлучи да направи еден мал чекор во оваа насока, па на своите вработени им понуди можност да им вгради импланти со микрочип, за кои напишала софтвер кој овозможува да отклучуваат врати без клучеви, да се логираат на компјутерите и да купуваат храна и пијалоци на автоматите во кантината без да плаќаат со пари.
Компанијата нагласува дека имплантирањето на микрочиповите се врши исклучиво доколку вработените се согласат доброволно, односно како работа на озбор, а не како нешто задолжително. Ние би додале - засега.
Three Square Market тврди дека овие чипови освен наведените карактеристики немаат никаква друга улога, дека не се опремени со GPS и дека не се користат за следење на вработените, а сите податоци се анкриптирани и не може да им пристапи никој освен корисниците. Тука повторно би додале - засега.
Се додека имплантите на луѓето не им се наметнат како задолжителна обврска како на пример вакцините, ова засега ни делува само како занимливост, но можностите кои се отвораат, сигурно ќе загрижат многумина кои се грижат за граѓанските права и слободата. Додуша, ова не е ништо ново, бидејќи сите кои користиме паметни телефони и други гаџети, веќе одамна знаеме дека може да не следи кој сака доколку малку се потруди, па немате многу причини за дополнителни грижи.
