Селекторот на македонската фудбалска репрезентација без ниту една промена го соопшти списокот за претстојните натпревари од новата сезона на Лигата на нации.
Игор Ангеловски повика 23 играчи, буквално оние што ги повикуваше и во квалификациите за ЕУРО 2020. И покрај тоа што одредени фудбалери не играат во своите клубови, и натаму ја имаат неговата доверба, додека за оние кои се во форма очигледно е тешко да се отвори вратата од репрезентацијата, како на пример за Љупчо Дориев од Шкендија и Давид Митов Нилсон од норвешки Сарпсборг 08.
Синоќа првично беше најавено дека селекторот денеска ќе го објави списокот, но потоа од ФФМ излезе информација дека објавувањето ќе се случи в сабота. Денеска пресврт, селекторот сепак ја објави листата на повикани играчи за септемвриските натпревари со Ерменија и Грузија.
Голмани:
Столе Димитриевски - Рајо Ваљекано (Шпанија)
Дејан Илиев - Арсенал (Англија)
Дамјан Шишковски - Докса (Кипар)
Одбрана:
Висар Муслиу - МОЛ Фехервар (Унгарија)
Егзон Бејтулаи - Шкендија
Кире Ристевски - Ујпешт (Унгарија)
Стефан Ристовски - Спортинг (Португалија)
Дарко Велковски - Ријека (Хрватска)
Ѓоко Зајков - Шарлроа (Белгија)
Кристијан Тошевски - Тирана (Албанија)
Средина:
Енис Барди - Леванте (Шпанија)
Аријан Адеми - Динамо (Хрватска)
Бобан Николов - МОЛ Фехервар (Унгарија)
Стефан Спировски - АЕК (Кипар)
Езџан Алиоски - Лидс Јунајтед (Англија)
Елиф Елмас - Наполи (Италија)
Даниел Аврамовски - Кајсериспор (Турција)
Напад:
Горан Пандев - Џеноа (Италија)
Иван Тричковски - АЕК (Кипар)
Илија Несторовски - Удинезе (Италија)
Александар Трајковски - Мајорка (Шпанија)
Крсте Велкоски - Сарајево (Босна и Херцеговина)
Влатко Стојановски - Шамбли (Франција)
Собирот на репрезентацијата е закажан за 31 август (понеделник) во 12:00 часот во хотел „Градн Плаза“ во Скопје.