Пратеникот од редовите на Левица, Димитар Апасиев, синоќа одржа говор на собраниската седница за предлог-законот за измени на Законот за работните односи.
„Сакате да воведете корпоративна репресија во Републикава, односно да нѐ вратите два века назад во доменот на трудовото право. Имено, во самата Европска Унија, со Директивата број 88/2003 се вели 'просечно работно време за секој седумдневен период, вклучувајќи го и прекувременото работење, не смее да надминува 48 часа неделно'. Вие се обидувате да воведете 12 часовно работно време, шест дена во неделата! Тоа значи дека, луѓето што ќе работат, ќе бидат физички исцедени и тие ќе немаат време да ги обноват физичките капацитети за да продолжат нормално да живеат. Уставот вели дека секој работник има право на платен дневен, неделен и годишен одмор. Од овие права работниците НЕ МОЖЕ ДА СЕ ОТКАЖАТ“, аборуваше проифесорот по римско право.
„Тоа значи, паѓа во вода оваа законска предлог-одлука за писмена согласност на работникот за да работи прекувремено. Токму поради тоа, државата треба секогаш да биде на страната на послабиот. Помеѓу силниот и слабиот, слободата е таа која угнетува, а законот е тој кој ослободува. Сега имаме ситуација законот да ги поробува работниците, наместо да ги ослободува!“, додаде.
Потоа рече дека претседателот на Собранието ќе одгова за напрвената штета на грбот на работниците. Воедно, тој носеше маичка со популарната фраза „ќе видите заедно“.
„За ваквиот шверцерат ќе одговара претседателот на Собранието - Талат Џафери, за кривично дело Несовесно работење во службата, по чл. 353В од Кривичниот законик, кој вели: 'службено или одговорно лице кое со повреда на законските прописи за совесно постапување при вршење дискреционо овластување со пропуштање на должен надзор, очигледно несовесно постапува'. Оттука, Талат Џафери бил должен ваквиот документ, како нецелосен и лажен, да го врати на предлагачот, меѓутоа тој не го сторил тоа, поради шверцератот за Коридорот 8, кој е 'Коридор Илирид'. Поради тоа, кога ќе паднете од власт, ќе одговарате!“, рече членот на Президиумот на Левица.
Целосното обраќање на Димитар Апасиев:
