Судејќи според изворите упатени во новитетите на iPhone - тринаесеттиот модел ќе биде навистина посебен.
Мин-Чи Куо одамна е познат како најупатен корисник на iPhone. Тој е еден од дежурните тестери кои на Apple одамна му предизвикуваат главоболка, бидејќи исфрлаат информации за новите уреди кои допрва треба да се објават, и тоа претежно даваат точни информации - така да Куо е извор со кредибилитет.
Овој пат Куо дојде до информација дека некои модели на iPhone 13 5G ќе поддржуваат сателитска комуникација.
Некои модели на iPhone 13 5G ќе имаат специјален чип Qualcomm X60, што ќе им овозможи да остваруваат телефонски повици преку таканаречени сателитски комуникации на ниска орбита. Ако му се верува на Куо, компанијата Globalstar веќе работи на тоа да им овозможи на сопствениците на iPhone 13 да остваруваат сателитски повици преку својата сателитска мрежа.
Според истиот извор, ова е само почеток на користење на сателитските комуникации за Apple, кои ќе ги користат во идните производи за да ги подобрат и да им понудат на корисниците иновативни можности. Некои од првите следни производи со поддршка за сателитска комуникација се очилата, т.е. шлем за мешана и виртуелна реалност, но и толку често споменуваниот автомобил на Apple. Овие уреди, наводно, ќе работат за со помош на сателитските и mmW 5G сигналите заедно.
Иако iPhone 13 сигурно нема да биде првиот сателитски телефон, тој сигурно ќе биде првиот широко користен мобилен уред кој овозможува и сателитска врска. Apple ќе ги купи скоро сите акции на чипот Qualcomm X60, така што PhoneArena верува дека другите компании ќе можат да го купат само чипот Qualcomm X65, кој ќе се појави до крајот на 2022 година.
Останува да видиме дали сето ова е вистина и, ако е така, каков спој на технологии iPhone 13 ќе биде.