Меѓународен тим на чело со Петер Климек тврди дека најдобрите мерки против коронавирусот се паметна комбинација од неколку мерки.
Климек и неговиот тим испитале 4.500 мерки кои земјите низ светот ги вовеле од јануари до мај 2020 година.
„Знаеме дека помага секое редуцирање на физички контакти. Најголема опасност се слабо проветрените простории во кои се собираат луѓе од различни домаќинства. И како тоа да се спречи? Со работа од дома кога е тоа можно, а угостителството би требало сè повеќе да врти на услуги со достава“, објасни Климек.
Според статистиката, раниот полициски час и забраната на алкохол не играат важна улога во борбата против коронавирусот. Според Климек, не е важно кога почнува полицискиот час. Исто така, оваа мерка го зголемува ризикот од организирање забави во приватни простори.
Истражувачите наведуваат дека се релативно безбедни места. Само 2,5 проценти од кластерите може да се поврзат со услуги од сместување и угостителство. Тоа го потврдува и Агенцијата за безбедност на храна (AGES). Според оваа агенција, хотелите и рестораните не се извор на зараза.
„Градинките и училиштата би требало да останат отворени, но најмногу трансмисија има од возрасната група од 14 до 18 години. Поради тоа, овие ученици би требало да следат онлајн настава“, вели Климек.
За оваа мерка научниците се сигурни дека има ефект. Тие откриле дека земјите чии граѓани носеле маска преку носот и устата во раната фаза на епидемијата, најдобро минале низ првиот бран на вирусот.
Сепак, носењето маски во текот на настава во училиште не е потребно, бидејќи нема смисла, покажала студија спроведена во Минхен.
Локдаун како оној во Германија, што ќе се воведе на 2 ноември, ќе ја загрози и Австрија, смета Климек. Во моменталната ситуација тој смета дека земјите сè уште не треба да бидат блокирани, но исто така на наведува дека е невозможно да се мине без заострување на мерките.
Како што е случај со маските, и претходно донесените доброволни мерки се поефикасни од оние кои подоцна доаѓаат како задолжителни. Затоа, научниците сметаат дека од голема важност е комуникацијата на властите со жителите. Образованието и информациите за широката јавност се клучни за запирање на пандемијата.
