Австрија од 1 август го укинува карантинот за заразените со коронавирусот. Тие повеќе нема да мора да се самоизолираат, ќе можат слободно да се движат со задолжително носење FFP2 маска и држење на растојание од два метри.
Тие ќе можат да одат на работа, да возат јавен превоз и да одат на јавни места, но не и во болници, старечки домови, градинки и училишта.
Регулативата останува на сила до крајот на октомври. Во Австрија, каде наесен се очекува нов бран на коронавирус, укинувањето на карантинот наиде на бројни критики.