Вечерва по натпреварите во Минхен и Сан Себастијан ќе ги добиеме првите два четвртфиналиста од Лигата на шампионите за оваа сезона.
Баерн на „Алианц Арена“ ќе го пречека Лацио каде ќе ја брка негативата од првиот натпревар.
Лацио победи со 1:0 во Рим со голот на Чире Имобиле од пенал во 69. минута, а ќе биде интересно да се види дали Баварците ќе ги насочат сите сили кон Лигата на шампионите, со оглед на тоа што титулата во Бундеслигата е навистина тешко достижна.
Веројатни состави:
Баерн: Нојер; Кимих, Дајер, Ким, Дејвис; Павловиќ, Горецка; Тел, Милер, Мусиала; Кејн.
Лацио: Проведел; Марушиќ, Марио Хила, Ромањоли, Хисај; Гендузи, Весино, Луис Алберто; Исаксен, Имобиле, Фелипе Андерсон.
Во вториот вечерашен натпревар Реал Сосиедад ќе го пречека ПСЖ. Французите имаат предност од 2:0 од првата средба во Париз. Головите тогаш ги постигнаа Килјан Мбапе во 58. минута и Бредли Баркола во 70. минута, а тренерот Луис Енрике на прес-конференцијата истакна дека по последните случувања минутажата на неговата најголема ѕвезда не е загарантирана.
Веројатни состави:
Реал Сосиедад: Ремиро; Галан, Зубелдиа, Ле Норман, Траоре; Мерино, Зубименди, Мендес; Ојарсабал, Андре Силва, Кубо.
ПСЖ: Донарума; Хакими, Маркињус, Бералду, Ернандес; Заир-Емери, Витиња, Фабиан Руис; Дембеле, Мбапе, Баркола.
Двата натпревара почнуваат во 21:00 часот со директен ТВ пренос на Arena Premium 1 и 2.