Кошаркарите на Чикаго и Вашингтон забележаа победи во НБА лигата, во пресрет на Ол-стар викендот во Њу Орлеанс.
Чикаго, во дербито на Источната конференција, славеше над Бостон со 104:103 со поените од линијата за слободни фрлања, кои Џими Батлер ги погоди во последната секунда.
Бателер кој на ол-стар викендот ќе биде стартер во тимот на Источната конференција, натпреварот го заврши со 29 поени и 7 асистенции, а втор според ефикасноста беше Боби Портис со 19 кошеви.
На спортивната страна брилијантниот Ајзеа Томас имаше идентичен број на поени како Батлер и водено влезе во историјата на Бостон.
Томас го собори рекордот на франшизата, тој стана првиот играч на Бостон кој на 41 натпревар во низа постигнал најмалку 20 поени.
Бостон е втор на Истокот со скор 37 победи и 20 порази, додека Чикаго е на седмото место со скор 28-29.
Вашингтон ја победи Индијана 111:98 и ја запиша четвртата победа во низа, додека Индијана веќе шест натпревари нема триумф.
Џон Вол оствари „дабл-дабл“, деветти во низа од 20 поени и 12 асистенции. Најефикасен кај Вашингтон беше Ото Портер со 25 поени.
На спортивната страна Пол Џорџ и Мајлс Тарнер постигнаа по 17 поени.
Вашингтон е трет на Истокот со 34 победи и 21 пораз, а Индијана е шеста со скор 29-28.
