Бил Гејтс на својот блог GatesNotes изрази загриженост дека вештачката интелигенција би можела да завладее со светот.
Во својата објава на блогот, Гејтс го сврте вниманието на интеракцијата која ја имал со вештачката интелигенција во септември. За негово изненадување, вештачката интелигенција добила најголем можен резултат на AP Bio испитот.
И поставил прашање: „Што да му се каже на татко со болно дете?” Добил одговор кој како што тврди Гејтс бил подобар од одговор кој било кој присутен во просторијата можел да го даде. Гејтс не го пиша одговорот кој го добил.
Според Гејтс, оваа интеракција го поттикнала на длабоко размислување за тоа како вештачката интелигенција би влијаела на индустријата во наредните 10 години, но и како вештачката интелигенција би можела да се користи за намалување на нееднаквоста.
„Доказите покажуваат дека поседувањето на основни математички вештини ги подготвува учениците за успех, без обзир која кариера ќе ја одберат. Но, постигнувањата во математиката опаѓаат во целата земја, а вештачката интелигенција може да го сврти тој тренд. Вештачката интелигенција ќе ја подобри вашата работа, ефикасноста на секојдневните работници и ќе бид екорисно да се види како личен асистент. Но, популацијата ќе мора да биде обучена за преземањето на новите улоги од вештачката интелигенција и владите ќе мораат да бидат одговорни за надзор над неа”.
Но, Гејтс предвидува дека покрај сите потенцијални добрини кои ќе ги донесе, вештачката интелигенција може да има и негативни ефекти на општеството. Според него, постои „закана која претставуваат луѓето вооружени со вештачка интелигенција” и можност вештачката интелигенција да одлучи дека луѓето се закана, заклучувајќи дека нејзините интереси се поинакви од нашите или едноставно да претстане да се грижи за нас.
